بعد عرض فيلمه الجديد “العميل صفر”، وحديث الجمهور عن المنافسة بينه وبينه الفنان محمد هنيدي، بفيلم “مرعي البريمو” في شباك التذاكر ضمن أفلام صيف 2023، أكد الفنان أكرم حسني أن محمد هنيدي من أساتذة الكوميديا، بالقول: “محمد هنيدي ده أستاذنا ومينفعش نحط اسمه جنب اسمنا، ده راجل له تاريخ كبير في الكوميديا وضحّكنا من قلبنا ونجح، نجاحه فضل مستمر فترة طويلة”.
وعبّر أكرم حسني عن سعادته بفيلمه “العميل صفر”، كأول بطولة سينمائية مطلقه له، إذ كشف أن فكرة البطولة المطلقة لا تشغله ولا يهتم بها، قائلاً: “البطولة المطلقة مبفكرش فيها، ده كرم من ربنا مليش دعوة بيه، أنا بجتهد وبعمل اللي عليا وكرم وتوفيق ربنا هو اللي بيعمل ده”.
وعن كيفية اختياره لأعماله في الفترة المقبلة، أوضح قائلاً: “بقى عندي نضوج وعملية تصحيح للغلطات واختياراتي دلوقتي أكيد غير من 10 سنين، وبقيت أتعلم حاجات كتير وبغلط وبحاول أصلّح من غلطاتي، على المستوى الشخصي قبل الفني”.
ويشارك في الفيلم عدد من الفنانين، أبرزهم: منذر رياحنة، بيومي فؤاد، مصطفى غريب، فاطمة البنوي، أسماء أبو اليزيد، محمد أوتاكا…، وهو سيناريو وحوار وائل عبد الله، وإخراج كريم العدل.
